CLICK HERE FOR THOUSANDS OF FREE BLOGGER TEMPLATES »

Wednesday, June 18, 2008

لماذا أنا مسلم

السلام عليكم ورحمة الله وبركاته
انت مسلم؟
اه انا مسلم
طب انت مسلم ليه؟
.......................
.......................
خلاص خلاص انا هجاوبك وأقولك أنا مسلم ليه؟
لان الاسلام دين بسيط وغير معقد
هتقولي بس انا بشوف الكتب الاسلامية كتيره ومجلدات كتير
اقولك : كل الكتب والمجلدات والفقه ...الخ كله جاء ليحض على مكارم الاخلاق ويحافظ عليها
ده النبي عليه الصلاة والسلام لخص رسالته في كلمتين : قل امنت بالله ثم استقم
الاسلام كديانة بتتميز عن غيرها بالبساطة والسهولة اللى جعلتها تنساب في لل شئون حياتنا لانه لا يوجد فيها شئ مش فاهمينه او يصعب تحقيقه
نبدأ بالحديث في بضعة نقاط كمثال
اولا : العقيدة
أبسط عقيدة تجدها العقيدة الاسلامية لان الاسلام ليس فيه آلهة ولا قديسيين
ليس في العقيدة الاسلامية سوى إله واحد لا يتجزأ في ثلاثة اقانيم وانما هو إله واحد وحيد وكل ما عدا الله فهو من خلق الله
يعني ببساطة كده انت مع الاسلام هتريح دماغك ومش هتعبد غير إله واحد
لا تلاته ولا سبعة ولا سبعين
ثانيا : العبادات
الله جل جلاله في شريعة الاسلام طلب مننا عبادات لا نؤديها إلا لله وحده
ولان الله في غنى عن هذه العبادة وانما شرعها لمصلحتنا ولنتقرب بها إليه لذلك شرع فيها الرخصة ..تعبان صلي وانت قاعد ,تعبان اكتر صلى وانت مضجع , مريض ماتصومش , مسافر قصر الصلاة , لقمة وقفت في زورك ومفيش قدامك غير الخمرة اشرب لغاية ما تقدر تبلعها
عايز تحج ومش معاك فلوس ..خلاص سقطت عنك الفريضة
يعني العبادات في الاسلام ليست طوقا حديديا يكبل الاعناق
ثالثا : المعاملات
بيع واشتري براحتك بس اياك والربا والاستغلال والاحتكار
ولا تبيع خنزير ولا تبيع خمره
وبيع واشتري براحتك بعد كده
رابعا : المرأة
النساء شقائق الرجال واوصى بهن الاسلام خيرا
وجعل لها نصيب في الميراث
ترث الربع اذا كان زوجها المتوفي ليس لها اولاد فاذا كان له ولد ترث الثمن
وترث السدس اذا كانت ام المتوفي وترث النصف اذا كانت بنته وليس معها اخ وترث الثلثان مع اختها لكل منهما ثلث , وترث نصف ما يرثه اخاها
فنجد ان ميراث المرأة غير ثابت بحد فنصيب المرأة وهي بنت المتوفي اكبر من نصيب الرجل الذي هو اب المتوفي
خامسا : العلاقات الجنسية
الاسلام كان اكثر الاديان الذين تعاملوا بموضوعية ورقي مع الغريزية الجنسية
فحرم الزنا واباح تعدد الزوجات كحل لاصحاب الشهوة المتقدة من الوقوع في الفاحشة
وفي الوقت الذي تعتبر فيه اديان اخرى ان الجنس علاقة قذرة ونجسة وعلى رأسها المسيحية لذلك كانت تمنع رجال الدين من الزواج ..نجد الاسلام يعتني بهذه الغريزة ويقوم بتهذيبها وتطهيرها
فسن الدعاء عند الجماع لتجنب الشيطان , وأوجب الغسل ليكون نظافة للبدن بعد الجماع وحرم جماع الدبر ليقي من الامراض والاضرار الصحية
وهكذا جعل الاسلام من العلاقات الجنسية التى تشتقذرها الاديان ..جعل منها علاقة نظيفة صحية
سادسا : الاخر في الاسلام
الاسلام ترك الاخر يحتكم لشريعته ولم يفرض عليه شريعة الاسلام وتركه يتزوج حسب شريعته وان خالفت شريعة الاسلام ويتوارثون حسب شريعتهم
ولم تجبرهم على الخضوع لقوانينها مثلما تجبر فرنسا واوربا المسلمين على الخضوع لشريعتهم وقوانينهم
ووضع مبدأ عالميا في الحريات الدينية لكم دينكم ولي دين
ومبدأ : لا اكراه في الدين
وكلها مبادئ قرآنية
وقد يأتي واحد ويقول : بس الاسلام بيفرض الجزية على غير المسلمين يعني بيخليه يدفع غرامه علشان هو رفض يبقى مسلم
وده نقوله الجزية مش غرامة وإلا مكنتش تسقط عن المرأة والطفل والشيخ وغير القادر
وفي مقابل ان غير المسلم بيدفع جزية المسلم كان بيدفع الزكاة
وكان المسلم هو اللى بيحارب ويدافع عن غير المسلم اللى بيدفع جزية ويسيبه قاعد مستريح في بيتهم والمسلم ملزم بالدفاع عنه
وفعلا كان عمرو بن العاص يسقط الجزية عن الذين يشاركون في الحرب
لا ياعم يبقى انا ادفعها واقعد مستريح واسيب المسلم هو البودي جارد اللى بيحمينى وايه يعني كام ملطوش ادفعهم في السنة ولو مش معايا مش مهم مادفعش
ادي هي الجزية اللى النصارى فالقين دماغنا بيها وكأنها كانت عقوبة وغرامة وبيحسسنا انه كان بييجي اخر السنة يداين لطوب الارض علشان يدفعها بينما الجزية تسقط عن غير القادر عن دفعها
هذه هي الاسباب التي حضرتني الان في ذهني وفيه اسباب تانيه لكن ده ما حضرني الان.. ولذلك انا مسلم

7 comments:

عين فى الجنة said...

والله تلخيص جيد
افادنا الله بعلمك

عاشــــــ النقاب ـقــــة"نونو" said...

السلام عليكم
مش عارفة اقول ايه
بارك الله فيك
ايضا المسلم من سلم المسلمين من لسانه ويده
ساتابع باذن الله وسعدت بزيارتك واتمنى دوام التواصل
تحياتي

الطـــائر said...

ما شاء الله

أعتقد إن هذا الموضوع من القيمه بحيث كان يجب أن نبدا به

جزيت كل الخير

قطــــوفها دانيــــــة said...

السلام عليكم...
ياللروعة ما شاء الله لا قوة الا بالله اوجزت وانجزت
جزاك الله عنا خير الجزاءعرض رائع للموضوع فعلا

منى said...

اجمل شئ ان تؤمن باختياراك وتستمتع بها مما يجعلك تحللها وتثبت لقلك ان روحك كانت على حق
تحياتى

منى said...

حد برضه يعمل مدونه حلوه زى دى
ويسميها اسم حلو زى ده
وبعدين يسبها كده؟؟
اخوانى اصحاب المدونه
ارجو الاهتمام بها
تحياتى

Unknown said...


thx

شركه تنظيف